‏إظهار الرسائل ذات التسميات عام. إظهار كافة الرسائل
‏إظهار الرسائل ذات التسميات عام. إظهار كافة الرسائل

البطالة اسلوب تفكير

البطالة اسلوب تفكير


#البطالة_اسلوب_تفكير  

طبعا كلنا عارفين ان البطالة مشكلة عالمية، و نسبة البطالة في مصر عالية حبتين، ودا راجع الي ان الشباب بتخلص جامعه لا يفقهوا شئ في الحياة العملية، ويروحوا يدورو علي النت علي template  للـ cv  وميبقاش عارفين هيكتبوا فيه ايه وايه الخبرات اللي هيحطوها في الـ CV  ، وطبعا ً انا لو جيت وقولتلك ان فعليا مفيش حاجه اسمها بطالة وان البطالة دي اسلوب تفكير عندك وعند اهلك ولازم يتغيير طبعا هتقول عليا عبيط او مجنون J.

 وماله يا عم مفيش مشاكل بس فعلا مفيش حاجة اسمها بطالة وانت اللي لازم تغيير طريقة تفكيرك الشغل مش بس انك تروح تقعد علي مكتب وتقبض راتب اخر الشهر .

المشكله كلها بتنحصر في اننا بنتربي علي انه بعد ما نخلص الكليه هنروح نشتغل في شركة وهنروح الصبح الشركة واخر النهار نرجع من الشركة، وهنقبض راتب ميكفيش انه يعيش اسرة مكونة من فردين، ودا راجع لفكرة اننا بندور علي الامان الوظيفي ومنخاطرش ونغامر.

 طيب انت تعرف ان اكبر مخاطره في حياتك هي انك متخاطرش اصلا وتعيش تقليدي ؟

البطالة في مصر
البطالة في مصر


طيب انت تسمع عن حاجه اسمها freelancer الفري لانسر دول بيشتغلوا شغل حر والمتعارف عليه، ان الشغل دا معظمه بيبقي في مجال الـ IT  والانترنت ، طيب انت تعرف ان كان في احصائية في 2013 بتقول ان اللي شغال في الفري لانسر ما بين 32 الي 60 مليون بني ادم !!!!

طيب انت تعرف ان الناس دي معظم شغلهم بيبقي بالساعه مش باليوم ولا بالشهر وتعرف كمان انهم بيقبضوا بالدولار وتقريبا دخلهم الشهري بيعدي مدير الشركة اللي اهلينا فضلوا يحلموا انهم يشغلونا فيها ؟

طيب  انا بقول كل دا ليه ، انا بقول الكلام دا علشان تعرف وتتاكد ان البطالة اسلوب تفكير وانك لازم تتحرك وتتعلم وانت حتي لسه بتدرس في الجامعه واعتقد ان 70 % مننا ويمكن اكتر مدخلش الكليه اللي هو حاببها،  واعتقد برضه اننا مكناش نعرف احنا عايزين ندخل الكليه دي بعينها ليه ؟

ما علينا من الكلام دا كله خد المهم ، انت ممكن تشتغل ايه فري لانسر ويدخلك دخل حلو ، بص يا سيدي انت ممكن تشغل حاجه من الحاجات دي :

-         ممكن تتعلم برمجة ودي قناة لحد كويس اوي بيعلم برمجة ببلاش وبالعربي مش محتاج يعني يكون معاك لغة https://www.youtube.com/user/abdullaheidtv/
-         وممكن تتعلم تصميم مواقع ودا كورس بيعلمك تصميم مواقع
-         وبرضه ممكن تتعلم جرافيك ممكن تاخدلك جوله هنا في الينك دا ومفيش مانع تلفلك لفه في الموقع http://www.mega-course.com/search/label/Photoshop
-         وممكن تتعلم تسويق الكتروني، انا بعمل كورس مجاني ليه تابعني وهتتعلم ان شاء الله
-         في التسويق الالكتروني مجالات كتير ممكن تتخصص في حاجه واحده منهم ممكن تتخصص في مجال السيو seo  ودا تخصصي اصلا
-         وممكن تتخص في ادارة social media  وانك تعمل حملات اعلانية علي الفيس ، ودا هتتعلمه معايا ان شاء الله مجانا برده.
-         وممكن تشتغل في مجال الـ affiliate  ودا جزء من التسويق الالكتروني ومربح جدا لو اتعلمته صح ودي قناة لواحد بيشرح كورس cpa  .
-         انت تعرف انك ممكن حتي تعمل بحث في جوجل عن كيفية زيادة متابعين لتويتر ومعجبين للفيس بوك والحته الصغيره اوي دي تتدخلك دخل محترم "مع تحفظي علي النقطة دي"
-         انت تعرف انك لو عندك موهبه في اعداد الفيديوهات ممكن تعمل قناه علي اليوتيوب وتدخل شريك مع جوجل من خلال youtube partners وتقدر تعرف عن المجال دا من هنا
المهم تحدد انت عايز تتعلم ايه ، واي كورس من دول مش هياخد منك تعليم اكتر من شهر لو بتتعلمه علي مراحل متقطعه، حدد انت عايز تتعلم ايه واتعلمه وبعد ما تتعلم جرب كتير واغلط مش هتتعلم غير من اخطائك وكل ما هتغلط اكتر خبرتك بتزيد اكتر وبتتعلم اكتر

نيجي للنقطة اللي بعد كدا انا اتعلمت وبقيت بعمل شغل حلو، هبيع شغلي فين ؟

بص يا سدي دي مجموعة مواقع للفري لانسر منها العربي ومنها الاجنبي ادخل خدلك جوله فيهم كدا وشوف الاسعار وشوف الناس بتعمل دخل شهري كام من حاجات بسيطة


عرفت بقي ان البطالة اسلوب تفكير ، غير اسلوب تفكيرك وسيبك من اللي حواليك  واللي هيكسر فيك دول مفيش اكتر منهم خد قرارك وابدا دلوقت ومتاجلش لبكره
صباحك ورد وفل ، صباحك تعليم واجتهاد وافتكر كويس ان  #البطالة_اسلوب_تفكير 

الفرق بين التسويق الالكتروني والتسويق التقليدي


ماهو الفرق بين التسويق الالكتروني والتسويق التقليدي ؟


لما بشوف العنوان اللي فوق دا بيجيلي العصبي بحس ساعتها ان اللي كاتب المقاله دي بيقولي 

ما هو الفرق بين التسويق الالكتروني والتسويق البطيخي ؟ 


ايه دا يا عم هو في تسويق بطيخي، اه والله لما تبقي دماغك عامله زي البطيخة يبقي في حاجه اسمها تسويق بطيخي دلوقت موجود وبكثرة علي  الانترنت، مقالات علي مدونات ومواقع كتير بتتكلم عن الفرق بين التسويق الالكتروني والتسويق الكلاسيكي وان التسويق التقليدي مكلف والتسويق الالكتروني مش مكلفه، لاء واللي زاد وغطي انك لما تلاقي  كورسات تدريبيه، وفيديوهات علي الـ Youtube  وصفحات علي الفيس المفروض انها لناس علامه في التسويق والمفروض انها بتخريج اجيال بتشتغل في التسويق الالكتروني بتفرق بين التسويق الالكتروني والتسويق العادي او التلقيدي او زي ما في ناس بتقول عليه التسويق الكلاسيكي .


خدمة جديدة مدفوعه من الفيس بوك




بعد ان كان هناك مشكلة تواجه معظم مستخدمي الفيس بوك، وخاصة اصحاب الاعداد الكبيرة من الاصداقاء، في ان تحديث الحالة الشخصية، لا يصل لجميع الاصدقاء.






فقد عمل فريق مبرمجي الفيس بوك علي تقديم خدمة "Status update " والتي ستكون خاصة بتسليط الضوء علي تحديث الحالة حتي يصل الي اكبر عدد كم الاصدقاء  والمشتركين، ولكن علي غير المؤلوف في الفكر الجديد للانترنت، اعلن شبكة الفيس بوك بأن هذه الخدمة ستكون بمقابل مادي.

قال متحدث باسم Facebook لموقع PCWorld
"نحن نقوم باختبار ميزة جديدة ضمن الشبكة , هذا الاختبار مخصص للكشف عن مدى اهتمام المستخدمين بهذا الاسلوب للمشاركة مع اصدقاءهم ".

الميزة الجديدة تعمل من خلال الاتي : عندما تريد تسليط الضوء على احد تحديثات الحالة لديك يظهر لديك خيار بجانب like و comment (الاعجاب و التعليق) عند النقر على الخيار الجديد تظهر لك رسالة بنافذة جديدة مصغرة تسألك عن طريقة الدفع بالبطاقات الائتمانية .

و خلال فترة التجريب سيختلف المبلغ من مجانا الى 2 دولار حيث ستطلب الشبكة من المستخدمين تحديد المبلغ الانسب لطرح الخدمة .

هل انت عاطل يعمل ام عاطل لا تعمل؟


في ظل الظروف الراهنة التي تمر بها جميع البلاد العربية منذ فترة طويلة، وبعد ان احتل الانترنت مكانة كبيرة في منازلنا جميعاً تكاد تكون قضت علي مشاهدة ومتابعة التليفزيون، ما عدا شهر رمضان في مصر.

ولان الشباب العربي وخاصة المصري، للاسف يبحث دائما بعد تخرجه من الجامعة علي الوظيفة المناسبة لطموحاته في سوق العمل ولان سوق العمل الان اصبح لا يعترف بشهادة الجامعة فقط، فقد اتجه معظم الشباب العربي الي البحث عن دورات متخلفتة في عالم التقنيات والوب علي اساس انه سوق العمل الرائج حاليا، وقد ترك الكثير منهم غرف الشات في الياهو، والكف عن إضافة "المغربيات" علي ماسنجر الهوت ميل.

فمنهم من توجه الي دراسة دوارت في تصميم المواقع ومنهم من توجه الي البرمجة ، ومنهم من اهتم بالتسويق الالكتروني، علي اعتقاد انه الدجاجة التي تأتي له كل يوم بالبضية الذهب.

ولكن للاسف يصتدم الشاب بعد الانتهاء من الدورات التدريبة -ذات العناوين الرنانه بالحصول علي الوظيفة اثناء التدريب- بارض الواقع حيث انه لا يجد شركة تقوم بتوظيفه لانه عديم الخبرة.

 ويأتي هنا الانقسام الي قسمين:

تدونتي الاولي - اهلا بكم زواري الاعزاء

السلام عليكم ورحمة الله وبركاته

بسم الله نحي وبسم الله نبدأ اولي خطواتنا ومع اول تدوينة لي في عالم التدوين بتاريخ 27 - 9 -2011 .

فقد احببت ان ارحب بكم زواري الاعزاء بتدوينة خاصة بكم ، فلكم مني ارق الامنيات .
ودعوني اهنئ نفسي بإنشاء هذه المدونة والتدوينة الاولي في "عيد ميلاد جوجل" للعام الثالث عشر


فمن خلال هذه المنصه سأحاول جاهدا نشر ما يحتاجه المسوق الالكتروني وكل ما يتعلق بالتسويق الالكتروني واشهار المواقع، واخر اخبار التقنيات الحديثة في عالم الوب والانترنت.

فستجدني  طاره اتيت لك بأدة تستخدم في التسويق الالكتروني، وستجدني طاره اتيت لك بموقع  حديث النشأة او قديم نوعا ما نتحدث عنه وعن  طرق التسويق التي اتبعها وما ينقص الموقع من فنيات وما به من مميزات.

سأحاول طرح افكاري المبعثرة هنا في هذه المدونة الحبيبة، ولكن بطريقة منظمه علي قدر المستطاع، سأكتب هنا كل ما يترأ في بالي ، من تجاربي و خبراتي العملية، معلومه مفيدة ، افكار تسويقة ، مواقع تستحق الزيارة ، اسرار وخفايا جوجل.

فأهلا ومرحباً بكم في مدونتكم