البطالة اسلوب تفكير

البطالة اسلوب تفكير

#البطالة_اسلوب_تفكير  

طبعا كلنا عارفين ان البطالة مشكلة عالمية، و نسبة البطالة في مصر عالية حبتين، ودا راجع الي ان الشباب بتخلص جامعه لا يفقهوا شئ في الحياة العملية، ويروحوا يدورو علي النت علي template  للـ cv  وميبقاش عارفين هيكتبوا فيه ايه وايه الخبرات اللي هيحطوها في الـ CV  ، وطبعا ً انا لو جيت وقولتلك ان فعليا مفيش حاجه اسمها بطالة وان البطالة دي اسلوب تفكير عندك وعند اهلك ولازم يتغيير طبعا هتقول عليا عبيط او مجنون J.

 وماله يا عم مفيش مشاكل بس فعلا مفيش حاجة اسمها بطالة وانت اللي لازم تغيير طريقة تفكيرك الشغل مش بس انك تروح تقعد علي مكتب وتقبض راتب اخر الشهر .

المشكله كلها بتنحصر في اننا بنتربي علي انه بعد ما نخلص الكليه هنروح نشتغل في شركة وهنروح الصبح الشركة واخر النهار نرجع من الشركة، وهنقبض راتب ميكفيش انه يعيش اسرة مكونة من فردين، ودا راجع لفكرة اننا بندور علي الامان الوظيفي ومنخاطرش ونغامر.

 طيب انت تعرف ان اكبر مخاطره في حياتك هي انك متخاطرش اصلا وتعيش تقليدي ؟

البطالة في مصر

طيب انت تسمع عن حاجه اسمها freelancer الفري لانسر دول بيشتغلوا شغل حر والمتعارف عليه، ان الشغل دا معظمه بيبقي في مجال الـ IT  والانترنت ، طيب انت تعرف ان كان في احصائية في 2013 بتقول ان اللي شغال في الفري لانسر ما بين 32 الي 60 مليون بني ادم !!!!

طيب انت تعرف ان الناس دي معظم شغلهم بيبقي بالساعه مش باليوم ولا بالشهر وتعرف كمان انهم بيقبضوا بالدولار وتقريبا دخلهم الشهري بيعدي مدير الشركة اللي اهلينا فضلوا يحلموا انهم يشغلونا فيها ؟

طيب  انا بقول كل دا ليه ، انا بقول الكلام دا علشان تعرف وتتاكد ان البطالة اسلوب تفكير وانك لازم تتحرك وتتعلم وانت حتي لسه بتدرس في الجامعه واعتقد ان 70 % مننا ويمكن اكتر مدخلش الكليه اللي هو حاببها،  واعتقد برضه اننا مكناش نعرف احنا عايزين ندخل الكليه دي بعينها ليه ؟

ما علينا من الكلام دا كله خد المهم ، انت ممكن تشتغل ايه فري لانسر ويدخلك دخل حلو ، بص يا سيدي انت ممكن تشغل حاجه من الحاجات دي :

-         ممكن تتعلم برمجة ودي قناة لحد كويس اوي بيعلم برمجة ببلاش وبالعربي مش محتاج يعني يكون معاك لغة https://www.youtube.com/user/abdullaheidtv/

-         وممكن تتعلم تصميم مواقع ودا كورس بيعلمك تصميم مواقع

https://www.youtube.com/playlist?list=PL250A8A53E639DDE4

-         وبرضه ممكن تتعلم جرافيك ممكن تاخدلك جوله هنا في الينك دا ومفيش مانع تلفلك لفه في الموقع http://www.mega-course.com/search/label/Photoshop

-         وممكن تتعلم تسويق الكتروني، انا بعمل كورس مجاني ليه تابعني وهتتعلم ان شاء الله

-         في التسويق الالكتروني مجالات كتير ممكن تتخصص في حاجه واحده منهم ممكن تتخصص في مجال السيو seo  ودا تخصصي اصلا

-         وممكن تتخص في ادارة social media  وانك تعمل حملات اعلانية علي الفيس ، ودا هتتعلمه معايا ان شاء الله مجانا برده.

-         وممكن تشتغل في مجال الـ affiliate  ودا جزء من التسويق الالكتروني ومربح جدا لو اتعلمته صح ودي قناة لواحد بيشرح كورس cpa  .

https://www.youtube.com/channel/UCnGYBNWJNH5Y41gIcql-3Hg

-         انت تعرف انك ممكن حتي تعمل بحث في جوجل عن كيفية زيادة متابعين لتويتر ومعجبين للفيس بوك والحته الصغيره اوي دي تتدخلك دخل محترم "مع تحفظي علي النقطة دي"

-         انت تعرف انك لو عندك موهبه في اعداد الفيديوهات ممكن تعمل قناه علي اليوتيوب وتدخل شريك مع جوجل من خلال youtube partners وتقدر تعرف عن المجال دا من هنا

https://support.google.com/youtube/answer/72851?hl=ar

المهم تحدد انت عايز تتعلم ايه ، واي كورس من دول مش هياخد منك تعليم اكتر من شهر لو بتتعلمه علي مراحل متقطعه، حدد انت عايز تتعلم ايه واتعلمه وبعد ما تتعلم جرب كتير واغلط مش هتتعلم غير من اخطائك وكل ما هتغلط اكتر خبرتك بتزيد اكتر وبتتعلم اكتر

نيجي للنقطة اللي بعد كدا انا اتعلمت وبقيت بعمل شغل حلو، هبيع شغلي فين ؟

بص يا سدي دي مجموعة مواقع للفري لانسر منها العربي ومنها الاجنبي ادخل خدلك جوله فيهم كدا وشوف الاسعار وشوف الناس بتعمل دخل شهري كام من حاجات بسيطة

https://khamsat.com/

https://ikhedmah.com/

https://asnadstore.com/  

https://www.odesk.com/

http://99designs.com/

http://www.ifreelance.com/

http://www.freelancejobsearch.com/

http://www.guru.com/

http://www.freelancers.net/

عرفت بقي ان البطالة اسلوب تفكير ، غير اسلوب تفكيرك وسيبك من اللي حواليك  واللي هيكسر فيك دول مفيش اكتر منهم خد قرارك وابدا دلوقت ومتاجلش لبكره

صباحك ورد وفل ، صباحك تعليم واجتهاد وافتكر كويس ان  #البطالة_اسلوب_تفكير 

كورس تسويق الكتروني مجاني "مقدمة"

كورس تسويق الكتروني مجاني

السلام عليكم ، بدايتاً اخذتني الحيرة كثيرا في كيفية صياغة  كورس التسويق الالكتروني هذا، هل اقوم بإعدادة باللغة العربية، حيث إثراء المحتوي العربي، ام اقوم بصياغتة باللكنة المصرية ( العامية ) مثلما كان الامر في اخر مقالاتي، ولكني قررت انه سيكون باللغة العربية حتي اكون ساهمت ولو بجزء بسيط في إثراء المحتوي العربي علي شبكة الانترنت حيث يقدر المحتوي العربي علي شبكة الانترنت بحوالي 3% من المحتوي علي مستوي الشبكة .

-          دورة التسويق الالكتروني:

التسويق الالكتروني : مصطلح "التسويق الالكتروني" يتكون من مقطعين، الاول وهو "التسويق" وحتي نستوعب كورس التسويق الالكتروني جيداً، والعمل بالمجال علينا اولا ان نتعرف علي التسويق وبعد ذلك نقوم بدراسة الجزء الثاني وهو "الالكتروني" وحتي نستطيع ان ندير حملات اعلانية بمبالغ ضخمة علي الانترنت، لابد من معرفه جيدة لمجال التسويق في الاساس.

كورس التسويق الالكتروني، دورة التسويق الالكتروني

كيفية عمل خطة تسويقية

لو انت شغال في التسويق وعايز تعمل خطة تسويقية صح ، سواء الخطة التسويقية دي لشركة او لمنتج او حتي ليك انت شخصياً لازم الاول تعرف تفرق بين كام حاجه قبل ما نعمل الخطة التسويقية.

اولا: لازم تعرف تفرق بين "الحاجة و الرغبة "، في حاجه كمان هما اسمها الطلب بس مش موضوعنا انهاراده :) Need & Want

ثايناً: لازم نعرف تفرق بين "الفوائد والمميزات ". Features &  Benefits

Marketieng plan

نمسك اولا: الفرق بين الحاجه والرغبه Need & Want

الحاجة او الاحتياج : هي بتبقي نقص عند البني ادم ومحتاج يكمله ، وديما ثابته مبتتغيرش ، يعني لو قولنا مثلاً انك بتروح شغلك كل يوم عن طريق المواصلات  فانت هنا في احتياج دائم ومحتاج تركب مواصلات علشان تروح الشغل, الحاجه هنا هي المواصلات مش الشغل  .

اما الرغبة: فهي اللون والشكل والطريقة اللي بيتبلور فيه اشباع الحاجه اللي عندك، يعني لو قولنا انت هتروح الشغل عن طريق القطر انهارده ، وبكره عن طريق الاتوبيس العام وبعده عن طريق التاكسي علشان اول الشهر ولسه قابض :) ، فديماً ا الرغبة متغيرة، لكنها  بتخدم الحاجه وتلبي طلبتها ودي اللي احنا كماركيتيرز بنشتغل عليها.

اعلان كوكاكولا احلي مع ؟

اعلان كوكاكولا احلي مع  ؟ 

مبدئيا كدا انا الـ timeline عندي بقي كله احمر من الكانز بتاعت كولا 

وثانيا بقي انا هتكلم علي الحملة دي بصورة تسويقية يعني عن التسويق اللي حصل في الحملة 

فانت لو مش مهتم بالتسويق ممكن تقري برضوا الموضوع دا رخامه :) 

اهو يمكن تستفدلك معلومه ولا كان مكتوب عليها اسمك ولا اسم حبيبك :)

نبدأ بالاعلان : 

دا لينك الاعلان

الفرق بين التسويق الالكتروني والتسويق التقليدي

ماهو الفرق بين التسويق الالكتروني والتسويق التقليدي ؟

لما بشوف العنوان اللي فوق دا بيجيلي العصبي بحس ساعتها ان اللي كاتب المقاله دي بيقولي 

ما هو الفرق بين التسويق الالكتروني والتسويق البطيخي ؟ 

ايه دا يا عم هو في تسويق بطيخي، اه والله لما تبقي دماغك عامله زي البطيخة يبقي في حاجه اسمها تسويق بطيخي دلوقت موجود وبكثرة علي  الانترنت، مقالات علي مدونات ومواقع كتير بتتكلم عن الفرق بين التسويق الالكتروني والتسويق الكلاسيكي وان التسويق التقليدي مكلف والتسويق الالكتروني مش مكلفه، لاء واللي زاد وغطي انك لما تلاقي  كورسات تدريبيه، وفيديوهات علي الـ Youtube  وصفحات علي الفيس المفروض انها لناس علامه في التسويق والمفروض انها بتخريج اجيال بتشتغل في التسويق الالكتروني بتفرق بين التسويق الالكتروني والتسويق العادي او التلقيدي او زي ما في ناس بتقول عليه التسويق الكلاسيكي .

هل هناك وقت مناسب لشركات تصميم المواقع لتصميم الموقع الخاص بهم ؟

من صميم عملي هو البحث دائما عن ما هو جديد في الكلمات البحثية التي يستخدمها العملاء في البحث علي الخدمات التي يرغبون بها، وحيث انني ادير حالياً قسم التسويق الالكتروني والـ SEO في شركة تصميم مواقع ونطاق عمل هذه الشركة هو السعودية، فكنت اقوم بعمل تحليل للكلمات البحثية الخاصة بكلمات تصميم المواقع بالسعودية، وفي ظل انني اقوم بالبحث عن افكار جديده تبحث بها العملاء عن خدمات الشركة، فقد لفت انتباهي  ان معدل نسبة البحث عن شركات تصميم المواقع في شهري ديسمبر ويناير تزيد الي ثلاث اضعاف تقريباً وهذه الصوره توضح النسبة.