اعلان علي جوجل ادوردز

اعلان علي جوجل ادوردز 


من كام يوم كدا نزلت صورة الاعلان دا علي الصفحة ،وقولت عايز راي الناس فيه وسالت كام سؤال
اعلان علي جوجل ادوردز


دلوقت انا حابب احلل الاعلان معاكم وهل الاعلان دا حقق الاستهداف منه ولا لاء

اولا: لازم نعرف ايه هي اهم المواصفات اللي بتبقي في الاعلان الناجح واللي هي :

- من اهم الحاجات اللي بتبقي في الاعلان الناجح هو وجود صورة شخص في الاعلان، ومعمول علي وشه zoom  ، ودا موجود فعليا في الاعلان دا وهي صورة البنت اللي لابسه خوذه، وهو هنا في الاعلان دا اتعمد ان يكون الاضاءة في الجزء باهته ودا علشان يلفت انتباهك اكتر علي الجزء اللي تحت.

- تاني حاجه في الاعلان لازم تكون موجوده هو وجود لون مميز ويفضل يكون لون فاقع، علشان يلفت انتباه العين، ودا برضه موجود في الاعلان وهو اللون اللي تحت وزي ما قولت هو اتعمد يبهت الصورة فوق، ويزهي الصورة تحت ، علشان يسحب عينك بصورة لا إرادية منك علي الجزء دا .

- تالت حاجه المفروض تكون موجوده في الاعلان، هي وجود الانتماء ، بكلمة او بصورة ، والانتماء يا اما بلدك، يا اما دينك، واحياناً بيدخل معاهم الفكر السياسي ، ودا برضه موجود في الاعلان بكلمة "هذا ما تؤمن به المسلة" حط الانتماء للدين .

من وجهة نظري الماركيتريه :) ان الاعلان دا ناجح بكل المقايس كإعلان ، وفعليا يجبر المستخدم للضغط علي الاعلان ودا من خلال انه لفت انتباهك  بوجود صورة شخص في الاعلان، ووجه عينك للون المميز اللي تحت، واجبرك تضغط علي الاعلان علشان الانتماء الديني ، بجد برافوا للي صمم الاعلان.

نيجي بقي لاستهداف الاعلان وتحليل هل الاعلان نجح في استهداف الشريحه اللي هو عايزها فعليا ولا لاء

كنت انا قولت اني شوفت الاعلان دا في موقع اجنبي مع اني موجود في مصر، طيب دا ليه ؟

 الاعلان دا معمول عن طريق الاعلان في جوجل ادوردز ، واللي عامل الاعلان استهدف انه يظهر للمصرين، اي كان بقي وجودي علي موقع اسرائيلي حتي، مش هتفرق بقي انا علي اي موقع عربي او اجنبي المهم اني مصري، ودا الجزء الاول في الاستهداف وبطبيعة الحال في برنامج جوجل ادورز الاستهداف دا ناجح مش مستاهل كلام كتير يعني.

تاني جزء في الاستهداف هل هو مستهدف ذكور ولا اناث ولا الاتنين مع بعض ؟

بغض النظر عن الـ landing page  اللي ودانا ليها الاعلان، الاستهداف الواضح اوي من الاعلان انه بيستهدف المرأة بنسبة اكبر من استهدافة للرجال ، لكنه من وجهة نظري غلط غلطة بسيطة اوي في الاعلان دا وهو إختيار اللون اللي تحت في الاعلان، واللون دا اللي هو ممكن نقول عليه سماوي، نسبة الاهتمام بيه بتبقي اكتر للرجاله، يعني يجذب الرجال بنسبة اكبر من النساء ودي غلطة صغيرة اوي لكنها تفرق كتير اوي مع اللي عامل الاعلان، واستهدافه ، لانه هو كدا هيلاقي نسبة الضغط علي الاعلان كبيرة، لكن في النهاية نسبة كبيرة منها مش هي الشريحة المستهدفة بالنسباله، فبالتالي هو هنا دفع فلوس ع الفاضي.

ودا تحليلي اللي علي قدي للاعلان لو انت عندك راي تاني ياريت متبخلش علينا بيه
وكلنا بنتعلم من بعض





تحقيق اول خطة تسويقية خاصة بيا


ازيكم يارب تكونوا بخير ويوم سعيد عليكم كلكم 

عايز اوضح حاجه صغيره في الاول، الصفحة ,والمدونة دول حاجه شخصية يعني باسم شخص و مجال شغلي هو التسويق الالكتروني والـ SEO 

البوست دا شخصي وطويل شويا، بس اقراه للاخر يمكن يفيدك ويغيير حياتك فعلا.

انا بدأت شغلي الفعلي في التسويق الالكتروني في سنة 2010 ، وكان كل اول سنة اكتب في ملف txt اهداف عايز احققها علي نهاية السنة وكنت في الاغلب مبحققش معظامها.

والدنيا كانت ماشيه وتمام، بس كنت بلاقي معاناه كبيرة في اني اشرح شغلي للمجتمع اللي انا عايش فيه، لان شغلي مع شركات سعودية من خلال الانترنت فانا لا بروح مكتب الصبح ولا برجع اخر النهار من شغل، وكنت كتبت مقال في مدونتي في شهر  2/2012 بعنوان "هل انت عاطل يعمل ام عاطل لا يعمل"

فارس سنيور


المهم من كتر الضغط النفسي قررت بعد سنتين كاملين من شغلي اني اعمل مشروع خاص بيا وكنت عايز اعمل شركة في مجال شغلي وفي التدريب علي التسويق الالكتروني وكل مجالات الـ IT ولما عملت وقتها Analysis  للسوق السكندري لقيت ان المشروع مش هيبقي مجدي في العائد بتاعه، لاننا كنا لسه في هوجة الثورة والدنيا مكنتش تمام كنا وقتها في اول شهر 2/2012

المهم غيرت الفكرة ،و بدأت اجهز لعمل محل ملابس من شهر 10/2012 ،وفتحت المحل 5/2013 ودي كانت اكبر غلطه في حياتي،اني اعمل حاجه بعيده عن شغلي اللي بحبه هو اي نعم بمقايس النجاح المشروع نجح، واستخدمت فيه كل اساليب التسويق،لكن انا ملقتش نفسي فيه وحصل شوية مشاكل مع شركاء في المحل، وانتهي الامر بينا اني قررت اني هصفي المحل واقفله، وهخسر في الموضوع دا كل فلوسي اللي دفعتها اللي هما تعب وشغل 3 سنين، بالاضافة الي شوية ديون كدا يقدروا بملبغ 53 الف جنيه مصري.

ودا كان مقابل اني اشتري نفسي وارجع تاني لنفسي وشغلي اللي بحبه وبفهمه، وبالفعل قفلت المحل في شهر 3/2014 ولما رجعت بصيت حوليا لقيت الناس اللي كانت اقل مني بمراحل في السوق، بقت هي اللي متحكمه في المجال في السوق، لاني بحكم التشتيت مكنتش قادر اوفق بين المحل وشغلي دا غير ان مجالنا كل يوم فيه جديد وبطبيعة الوضع اللي كنت فيه مكنتش قادر اتابع.

قعدت في الدوامه دي شهر، واستعوضت ربنا في تعبي في الـ 3 سنين، وعلشان اسدد الديون ملقتش قدامي حل غير اني اسافر السعودية اشتغل من هناك، وبالفعل اتفقت مع مجموعة علاج الطبية، ومضيت عقد من شركة معامل المختبر السعودية، هما تبع بعض اصلا .

ويوم 20/4/2014 كنت بستلم البسبور بتاعي بالمهنه اللي انا طالع عليها، واول ما وصلت البيت ولسه بقول اني هناملي ساعتين، جالي تليفون ان اخويا سمير سنيور الكبير اتوفي، هو كان شغال دكتور في كلية العلوم جامعة اسكندرية بس كان مسافر السعودية في جامعة الملك عبد العزيز، المهم انا الخبر نزل عليا زي الصاعقة، كان لسه معايا من اسبوعين بالظبط، المهم عدت عليا فترة دخلت في شهرين عندي حالة من الخوف من المستقبل غير طبيعية.

لغيت سفري لانه مكنيش ينفع نفسيا عليا او علي اهلي اني اسبهم انا كمان وامشي وخاصة ان اخويا التاني محمود سنيور ظابط بحري، وبيقعد في البحر اكتر ما بنشوفه؛ المهم قعدت اقول مع نفسي ان 2013 و 2014 دول اسوء سنتين عدو عليا

 خسرت فيهم جزء كبير اوي من شغلي واهملت فيه
خسرت فلوسي وبقيت مديون
خسرت الانسانه اللي كان حلمي اني اتجوزها L
خسرت 30 سنة من عمري معملتش فيهم اي حاجه
اخويا الكبير معدتش هشوفه تاني
 هو باقي ايه تاني اخسره  ؟ ؟

واللي ذودها اني فتحت حسابي في البنك وبصيت عليه وحسبت كل الفلوس اللي دخلتلي من شغلي علي مدار الـ 4 سنين، لقيت ان 67 % بس من الفلوس دي كانت تجبلي شقة في جليم J وتجوزني احلي جوازه مرتاحه 

لكن الحقيقه وقتها انا كنت رجعت لتحت الصفر وكان لازم عليا اني ابدأ من جديد والمرادي من تحت الصفر مش من الصفر.

المهم في اول شهر 6 اللي فات وانا قاعد بعمل خطة تسويقية لشركة صغيرة في السعودية،وكانت الخطة دي مطلوب انها تكون في مدة 3 شهور، وكان هدف قدمنا اننا نعملها نقلة كبيرة وتنافس 2 من اكبر شركات السعودية في مجالها، وانا شغال علي الخطة كدا خطر في بالي اني بعمل خطط للناس وللشركات وبنقل شركات من تحت السلم لشركات كبيرة ومعروفه.

وسألت نفسي سؤال هو انا ليه ولا مره عملت لنفسي خطة تسويقية  J J

وقعدت مع نفسي وعملت عليا SOWT Analysis  وعملت SMART target لنفسي وقسمتهم لجزئين جزء في شغلي وجزء في حياتي الشخصية، وعملت لنفسي لاول مره خطة كاملة مش مجرد اهداف بحطها كل اول سنة، ونزلت بوست علي الاكونت الشخصي بتاعي وقولت اني في 1/9 اللي جاي هحقق مجموعة من الاهداف وطلبت من الناس اللي عندي وقتها انهم يجوا ويحسابوني في اول شهر 9  ومحدش يرحمني لو كنت مقصر وكانت بنتحصر الاهداف في :

- كان عندي حلم قديم اني انزل ارض الواقع وابعد شويا عن عيشة الانترنت وادرب تسويق الكتروني.
- اني ابطل سجاير بعد ما وصل معدلي اليومي تقريبا اكتر من 60 سجارة في اليوم .
- اشتغل في شركة كبيرة في مصر في مجال شغلي مع الاحتفاظ بشغلي في شركة بكسل العربية ، اللي بعتبرها جزء مني مش مجرد شركة شغال فيها.
- انا ضعيف شويتين في الانجليزي ودا بسببلي عطلة كبيرة في شغلي، عايز اقوي نفسي فيه.
- اسدد جزء كبير من الديون اللي عليا وكنت محدد اني اسدد 50% منهم.
وفوق دا كله وكان اهم هدف بالنسبالي اني اخد خطوة جدية في موضوع الارتباط والاستقرار النفسي فيه.

وانا انهارده 1/9/2014 : وقبل ما حد يجي ويحاسبني انا الحمد الله وصلت لاكتر من 90% من اهدافي

- انا حاليا بدرب فعليا تسويق الكتروني، قريب اوي في القاهرة كمان.
- بالنسبة للسجاير انا اخدت قرار اني هبطل من 16 يوم بالظبط، شربت فيهم 24 سجارة ، بعد ما كان في اليوم الواحد اكتر من 60 سجارة.
- بالنسبة لشغلي في شركة مصرية كبيرة، عندي مقابله يوم الاربع الجاي في مجلة لغة العصر ، التابعه لجريدة الاهرام، وفي موافقه مبدئية علي قبولي في الشغل.
- بالنسبة للانجليزي، بالفعل بدأت في كورس انجليزي من رمضان وفرق معايا كتير جداً
- بالنسبة للديون خلاص الحمد الله مبقاش عليا غير مبلغ بسيط ربنا يكرم وان شاء الله يتسدد في نهاية شهر 10 

- بخصوص بقي الارتباط ، انا حاليا بالفعل خلاص تقريبا خطبت فاضل بس الرسميات والشكل الاجتماعي، ودا هيتم قريب اوي برضه، وحاسس فعلا ان ربنا عوضني بيها عن كل اللي فات J

في ظل الـ 3 شهور دول قابنلي عقبات كتير اوي، يعني مثلا جهازي باظ واشتريت جهازي جديد، ومكنش معايا وقتها تمنه بس ربنا كرم ومعظم الداتا اللي علي جهازي طارت، من اهمهم محتوي كورس التسويق ، دا غير ان جهازي الجديد اصلا هو كمان حاليا في التوكيل بيتصلح L L


معرض في اي وقت حاليا اني يتصفالي من شركة بكسل، بسبب مشكله كبيرة في الموقع حالياً، وعدم وجود عملاء للشركة، بس ربك كريم وشغال علي خطة جديدة.

معلش طولت عليكم ، بس اللي انا عايز اقولهولكم، مفيش حاجه اسمها صعب، مفيش حاجه اسمها مستحيل مفيش حاجه اسمها حلم

في حاجة اسمها معافرة، في حاجه اسمها شقلبه في الدنيا ، في حاجه اسمها اهداف محددة بوقت مطلوب منك تحققها.

مش مطالب مني اني احكيلك الكلام دا ولا انت مطالب منك انك توصل للسطر دا، بس حبيت اقول الكلام دا يمكن فعليا تغيير نظرك للحياة وتعرف انت عايز ايه و صدقني الدنيا اسهل بكتير من مما نتخيل، بس المهم تعرف كويس انت عايز ايه وتعرف انت هتوصله في قد ايه وهتوصله ازاي .

حاجة كمان مهمه اوي عايز اقولهالك، اوعي تعمل حاجه علشان ترضي الناس، او تغيير من نفسك علشان حد، اعمل كل حاجه علشان نفسك انت، مش أنانية ولا حب للذات، بس نفسك تستاهل انك تعمل علشنها اكتر من ما بتعمل علشان حد في حياتك، لانك مع اول دروب في حياتك، هينكر كل اللي عملته علشانه وهتلاقي نفسك فعلا معملتش حاجه لا لنفسك ولا عشانه.


شكرا ليكم ، واعتقد كدا انا جاوبت علي سؤال اتسألته كتير هي الصورة اللي في كافر الصفحة دي معناها ايه ولو في حد لسه مفهمش معني الصورة يبقي العيب عنده 



كورس تسويق الكتروني مجاني 3

 كورس تسويق الكتروني 


 هذه هي المقالة الثالثة في كورس التسويق الالكتروني،يمكنك متابعة المقالات السابقة من كورس تسويق الكتروني من هنا

المقالة الثانية: كورس التسويق الالكتروني 2 


 ولكي يكون هنالك تسويق الكتروني او تسويق عبر الانترنت، لابد من وجود موقع لكي نعرض عليه الخدمات الخاصة بنا، ولكي يكون لدينا موقع علي الانترنت، لابد وان نتعرف مما يتكون الموقع؛ في حقيقة الامر الموقع يتكون من خمسة اشياء اساسية، وهي

1-     فكرة الموقع.
2-     النطاق Domain name
3-     الاستضافة Hosting
4-     تصميم الموقع
5-     تهيئة الموقع لمحركات البحث SEO   
idea
Idea

فكرة الموقع تعتبر هي حجر الاساس حيث بدون فكرة مميزة ومختلفة لا يوجد نجاح لاي موقع.
ومن بعدها النطاق وما يسمي باللغة الانجليزية Domain Name ، وهذا النطاق يتم حجز باي عدد سنوات انت تحتاجها من شركات حجز النطاقات واشهرها علي الاطلاق شركة Go daddy  و شركة Name  .


domain name
domain name
وبعد شرائك للنطاق يوجد النقطة الثالثة وهي استضافة النطاق هذا علي الانترنت، لكي يتم تفعليه ورفع عليه التصميم الخاص بالموقع، واشهر شركات الاستضافة هي hostgator  و شركة bluehost 

وبعدها تأتي النقطة الرابعة وهي تصميم الموقع وتحميلة علي الاستضافة لكي يظهر لكل الناس علي الانترنت، ولمن ليس لدية خبرة في مجال تصميم المواقع هنالك ما يسمي بمواقع إدارة المحتوي CMS  وهي إختصار لكلمة content management system  وهي مجانية ولها قوالب عديدة علي الانترنت مجانية ايضاً ويوجد منها المدفوع، واشهر هذه المواقع هي Wordpress  و Joomla و Drupa .




CMS
مواقع إدارة المحتوي


ويمكننا ان نعتبر الـ Blogger من ضمنهم مجازاً؛ ومعها لا نحتاج لاعناء شراء استضافة ورفع التصميم عليها وخلافه من امور تقنية  وسهلة التعامل مع لوحة التحكم الخاصة بها.

ولكنها محدودة نوعاً ما من حيث التصميمات، فهي لا تصلح لموقع شركة كبيرة حيث ان التصميمات الخاصة بها ليست بإحترافية الشركات الكبري، ولكنها تصلح لمواقع الخدمات او المواقع الشخصية و الـ Blogger  في بادء الامر تعطيك نطاق فرعي او ما يسمي بالـ sub domain   ويكون بهذا الشكل علي سبيل المثال http//:google.blogspot.com   ويمكننا بعد ذلك شراء نطاق كامل من اي شركة خاصة بذلك وربطة بالمدونة من داخل لوحة التحكم الخاصة بها ليصبح علي سبيل المثال بدلا من  http//:google.blogspot.com  الي www.google.com  بنفس التصميم ونفس لوحة التحكم.


و الـ blogger  هي منتج من منتجات جوجل وقد قام بالاستحواز عليها وشرائها في عام 2003
ولكي نحصل علي مدونة عليها لابد وان يكون لدينا بريد علي جوجل Gmail.com  وبعد تسجيلك قم بالدخول علي https://www.blogger.com واتبع الخطوات فهي بسيطة وواضحة جداً ولا يوجد بها اي غموض.


ويأتي خامساً من حيث تكوين الموقع  مرحلة تهئية الموقع الي محركات البحث والتي تعرف بكلمة SEO   وهي اختصار الي كلمة  Search engine optimization  والفائدة من هذا العلم ظهور الموقع في اعلي النتائج في محركات البحث، حين يقوم العميل بالبحث بالكلمات والخدمات التي التي يقدمها الموقع، ومن ثم تأتي الاهمية حيث ان هذا العميل يمسمي بالعميل محتمل الشراء وهو اخر انواع العملاء واهمهم .

وعلم الـ SEO  ينقسم الي جزئين جزء داخل الموقع وهو المعروف باسم  SEO on page  وجزء خارج الموقع وهو المعروف باسم  SEO off page  وسأقوم في مقالة قادمة بشرح كل جزء منهم وما هي السبل المتبعه في استخدامهم.



SEO on page & SEO off page
SEO on page & SEO off page 




كورس التسويق الالكتروني 2


كورس التسويق الالكتروني "المقالة الثانية"



هذه هي المقالة الثانية من كورس التسويق الالكتروني، ولقراءة المقالة الاولي تفضل بالضغط علي هذا الرابط "كورس التسويق الالكتروني "

في هذه المقالة سنقوم ببداية الشرح في الجزء الثاني من مصطلح التسويق الالكتروني وهي كلمة الالكتروني.

هناك من يطلق علي كلمة التسويق الالكتروني بالانجليزية كلمة Digital Marketing وهناك من يطلق عليه اسم Internet marketing ولكن في الحقيقة المسميين مختلفين عن بعضهما فالتسويق الالكتروني الاسم الصحيح له بالانجليزية هو Internet marketing والتي يتم اختصارها بكلمة E-marketing ، ولكي نتفهم الفرق ببساطة يمكننا بان نشبه الـ Digital Marketing  بانه الاب حيث ينبع من خلاله التسويق علي كل ما لو علاقه بالتكنولوجيا وهو كان التطور و الانتقال من مرحلة التسويق علي الصفح والمجلات الي التسويق بواسائل التكنولوجيا مثل الاعلانات علي التليفزيون والاعلان علي الراديو، بما فيهم التسويق علي الانترنت، ولذلك ان صح التعبير فاننا نطلق علي الـ Internet marketing  هو ابن الـ Digital Marketing 

كورس التسويق الالكتروني
كورس التسويق الالكتروني


وينقسم التسويق الالكتروني الي عدة ادوات يمكننا من خلال هذه الادوات ان نستخدمها فيما يتعلق بموضوع عملنا فيمكننا من خلال هذه الادوات التسويق للمجال العقاري، او التسويق السياحي، او حتي التسويق لفكرة، او التسويق لشخص، فلدينا مثال كبير علي الرئيس اوباما في انتخابات الرئاسة الأمريكية للمرة الاولي لم تعرفه الناس الا عن طريق التسويق من خلال المواقع الاجتماعية، فقد تم التسويق لشخص من خلال اداوت التسويق الالكتروني، لذلك لا يوجد ما هو يسمي بـ التسويق الالكترني العقاري او التسويق الالكتروني السياحي، كل هذا انت تتحكم به من خلال الادوات المختلفة للتسويق الالكتروني.


ادوات التسويق الالكتروني:


تنحصر ادوات التسويق الالكتروني في عدة ادوات اساسية وهي :


 اولاً: التسويق من خلال الموقع :


واساس الانترنت هو المواقع، ومن المفترض ان يكون لمنتجاتك او لشركتك موقع علي الانترنت، وليس فقط حسابات و صفحات علي المواقع الاجتماعية، انما الموقع هو الاساس لكي يتم عرض عليه منتجات الشركة وخدماتها.


ثانياً: التسويق عبر محركات البحث Search Engine Marketing :


هو ما يطلق عليه SEM وتنقسم هذه الاداه الي قسمين

1-      ما يطلق عليه SEO  سيو وهي اختصار لكلمة Search engine optimization  


والمتعارف عليه ان معناها بالعربية هي تهيئة المواقع للصعود في محركات البحث، ويمكن تفسيرها علي انها الاداة التي تساعد موقعك يظهر في محركات البحث عندما يبحث عليك عميلك المحتمل في محركات البحث دون غيره، فمثلا حين يتم البحث في جوجل علي سبيل المثال عن كلمة "شقق للبيع بالاسكندرية" يظهر حين البحث نتائج طبيعية عبارة عن 10 نتائج وبالاضافة الي نتائج مدفوعه، فالنتائج الطبيعة هذه المسؤل عن تواجدها هنا هو عامل الـ  SEO  ومن اهم عوامل نجاح الـ SEO  هي انها تأتي لك باخر مراحل العملاء وهو العميل محتمل الشراء حيث انه هو من قام بالبحث عن خدمتك ووجدك وقام بالدخول علي موقعك ففي هذه الحالة هذا العميل تخطي كل المراحل ووصل الي مرحلة انه يرغب في الشراء فعلياً، بالاضافة الي عدد عوامل نجاح اخري منها ايضاً علي سبيل المثال هو قياس معدل الاستثمار ROI  .
وجدير بالذكر هنا  ان الـ SEO ينقسم ايضا الي قسمين وهما SEO on page & SEO off page  وساقوم بتناول شرحهم بالفصيل فيما بعد.

وساr,l ff page قسمين وهما استثمار حل ووصل الي مرحلة انه يرغب في الشراء فعلياً، بالاضافة الي عدد عوامل نجاح اخري منها ايضاً علي س

2-      ما يطلق عليه الـ PPC  وهي اختصار لكلمة  Pay Per Click.


وهي تعني الدفع مقابل النقرة، وهي الاعلانات المدفوعة التي تظهر حين البحث في محركات البحث، واشهر هذه البرامج هي برنامج Google Adwords  وهو المسئول عن ظهور النتائج المدفوعة في جوجل حين البحث عن كلمات لها علاقة بالخدمات التي تقدمها، وايضاً سيتم شرح البرنامج بالتفصيل فيما بعد.

ثالثاً: التسويق عبر المواقع الاجتماعية  Social Media:


وهذه ايضاُ يتشعب منها اجزاء مدفوعة واجزاء مجانية، واشهر المواقع التي يتم التسويق عليها هي موقع الفيس بوك في المرحلة الاولي لدنيا في مصر، وتويتر في المرحلة الاولي بالسعودية، وايضا من اهم المواقع التي يمكننا ان نعتبرها من المواقع الاجتماعية هو موقع اليوتيوب
فيجب لكل شركة ان يكون لديها قناة تعريفية عنها عبر جميع مواقع التواصل الاجتماعي.

رابعاً: التسويق من خلال البريد الالكتروني  Email Marketing :


ومازال التسويق عبر البريد الالكتروني يحمل اهيمة كبيرة في التسويق، حتي بعد إنتشار المواقع الاجتماعية وكثرة التواجد عليها، ولكن مازال البريد الالكتروني يحتل اهمية كبري في التسويق من خلالها، ولكن التي يتم تجميعها بطريقة شرعية وليست عن طريق شراء المجموعات المجمعة عشوائياً.

خامساً: التسويق عن طريق البانر Banner Advertising :


وهذه هي الاعلانات علي مواقع كبري مثلا مثل موقع مصراوي او اليوم السابع وخلافه او حتي علي المنتديات او المواقع الاقل من حيث عدد الزيارات، وجدير بالذكر انه يوجد بعض المواقع التي تقوم بعمل عرض لاعلانات عن طريق جوجل، والتي يمكننا ان نقوم بالاعلان بها عن طريق برنامج Google Adwords  .

سادساً: التسويق عن طريق الجوال Mobile Marketing :


ويمكننا الان ان نقوم بإدخال التسويق علي الجوال ضمن قنوات وادوات التسويق الالكتروني، حيث انه طبقاً لاخر احصائيات جوجل انه هناك 30% من الزوار يقوموا بالدخول علي المواقع من خلال الجولات واجهزة الـ tablet   و يمكننا التسويق عبر الجوال من خلال برامج التواصل مثلwhatsapp , viber, LINE  وغرها من برامج الدردشة.   

وبهذا القدر نكتفي في هذا المقال، وسيكون المقال التالي هو بداية شرح جزء الـ SEO  .
اذا كان المقال مفيد بالنسبة لك، يمكنك ان تقوم بالنقر علي احدي وسائل المشاكة
فلا تدع المقال يقف عندك هنالك من يحتاج هذه المعلومة فلا تبخل عليه بها وبمشاركتها.
الحقوق محفوظه فارس سنيور           تعريب مدونة البلوقر