اعلان كوكاكولا احلي مع ؟

اعلان كوكاكولا احلي مع  ؟ 

مبدئيا كدا انا الـ timeline عندي بقي كله احمر من الكانز بتاعت كولا 

وثانيا بقي انا هتكلم علي الحملة دي بصورة تسويقية يعني عن التسويق اللي حصل في الحملة 

فانت لو مش مهتم بالتسويق ممكن تقري برضوا الموضوع دا رخامه :) 

اهو يمكن تستفدلك معلومه ولا كان مكتوب عليها اسمك ولا اسم حبيبك :)

نبدأ بالاعلان : 

دا لينك الاعلان

https://www.youtube.com/watch?v=eel_FoX0Xng

 الاعلان كا اعلان في حد ذاته مفهموش فكر جديد بالعكس من يوم ما اخترعوا الاعلانات 

وهي عباره عن اغنيه او مزيكا والناس بتغنيها، فالاعلان في حد ذاته مفهوش ابداع :)

امال ايه اللي خلي الناس علي الفيس تتهوس كدا وتعمل المهرجانات الحمرا دي :)

اللي خلي الناس تجري كدا وتتعلق بالمنتج هي الفكرة التسويقية في حد ذاتها مش الاعلان وهي انك تكتب اسمك علي الكان والنوع دا من التسويق نقدر نقول عليه  Personalization marketing وفي ناس ممكن تقول عليه انه تسويق Guerrilla marketing ما علينا من الاسامي مش هتفرق كتير اوي معاك :)

بس الهدف الرئيسي من النوع دا من التسويق هو انه  بيلعب علي Lovable Brand حب المستهلك للعلامة التجاريه بغض النظر عن الفوايد او الاضرار اللي هتعود عليه من المنتج، علشان كدا ديما مينفعش نلاقي شركة زي كوكاكولا او ببسي تطلع في اعلان وتقول ان المشروب دا هيزود الكالسيوم عندك، مش هيبقي منطقي والناس هتبعد عنها.

فالحل ديما انهم يلعبوا في التسويق علي فكرة حب البراند Lovable Brand بعيد عن نفعها او ضررها ، وهنا كوكاكولا عملت لعبه حلوه بين الناس تتسلي بيها وطبعا هما مضروش ان الفيس كله يتقلب احمر من خلال صفحة "كوكاكولا احلي مع:" لانها مش تبع الحملة دا واحد اسمة Mostafa El areny  مصور فتوغرافي هو اللي استغل الموقف وعملها :) وتحسبله 

اللعبة اللي كوكاكولا عايزه تلعبها:

هي انك وانت قاعد مع صحابك علي الكافية تشربوا كولا عليها اساميكم

وانت في السوبر ماركت تشتري الكان اللي عليها اسم حببتك :) وتشربها وترميها في الزبالة علي رأي اسلام جاويش :)

وانت ماشي مع صحابك في الشارع تشتروا كان عليها اسماء بنات متعرفوهاش وترزلوا علي بعض وتنادوا علي بعض باسماء الكان :) 

وانتي قاعده في النادي مع صحباتك ينزلكم كان عليها اسم الواد بتاع المسلسل التركي :) وبتتخنقوا عليها كلكم وتبقوا عايزين تاخدوا الكان دي وتسيبوا الباقي :) 

هل النوع دا من التسويق معروف ومضمون نجاحه ؟

اكيد طبعا النوع دا من التسويق من انجح انواع التسويق بس محتاج قوه عَمل غير طبيعيه وميزانيات خرافية علشان يتم، وكوكاكولا مش اول شركة تستخدم النوع دا من التسويق في شركات تانيه بتستخدمة زي مثلا Iphone في انها تعملك ايفون خاص ليك عليه اسمك، واللون اللي انت عايزه ، نفس الوضوع شركة سامسنوج ، وبرضه عندنا عربيات ميني كوبر من اشهر الشركات اللي بتستخدم النوع دا من التسويق.

وطبعا كوكاكولا زي العاده مش اول حملة تعملها في دول تاينه الاول وبعدين تعملها في مصر كوكاكولا عملت الحملة دي اكتر من مره قبل كدا 

 اول مرة عملت الحملة دى كان فى استراليا "فقط" فى 2011 وكانت بكتابة اشهر الاسامي في استراليا

https://www.youtube.com/watch?v=2X8Bd3-G6IU

فى 2012 عملت نفس الفكرة "فى نفس البلد" على Billboard وعملته تفاعلى بحيث الناس تشارك اسمها عن طريق SMS

https://www.youtube.com/watch?v=JG8pzVDYgNQ

فى شهر فبراير اللى فات  2014 فى جنوب افريقيا والناس كانت بتكتب اساميها 

او بتنطق اسمها وبتاخد الـ Can اللى عليه اسمها

 https://www.youtube.com/watch?v=LDLtVbHDFTY

ودي مجموعة مواقع وصفحات بتعمل اسمك علي الكان علشان تعلب مع كوكاكولا : 

https://www.facebook.com/esmkcocacola

http://www.shareacoke.com/

http://saticompany.com/coca/

في النهاية برررررافو كوكاكولا منكم بنتعلم التسويق

الكاتب : Fares Senior

شارك الموضوع

مواضيع ذات صلة