الفرق بين التسويق الالكتروني والتسويق التقليدي


ماهو الفرق بين التسويق الالكتروني والتسويق التقليدي ؟


لما بشوف العنوان اللي فوق دا بيجيلي العصبي بحس ساعتها ان اللي كاتب المقاله دي بيقولي 

ما هو الفرق بين التسويق الالكتروني والتسويق البطيخي ؟ 


ايه دا يا عم هو في تسويق بطيخي، اه والله لما تبقي دماغك عامله زي البطيخة يبقي في حاجه اسمها تسويق بطيخي دلوقت موجود وبكثرة علي  الانترنت، مقالات علي مدونات ومواقع كتير بتتكلم عن الفرق بين التسويق الالكتروني والتسويق الكلاسيكي وان التسويق التقليدي مكلف والتسويق الالكتروني مش مكلفه، لاء واللي زاد وغطي انك لما تلاقي  كورسات تدريبيه، وفيديوهات علي الـ Youtube  وصفحات علي الفيس المفروض انها لناس علامه في التسويق والمفروض انها بتخريج اجيال بتشتغل في التسويق الالكتروني بتفرق بين التسويق الالكتروني والتسويق العادي او التلقيدي او زي ما في ناس بتقول عليه التسويق الكلاسيكي .




عشان كدا بقي انا قولت في صميم نفسويتي اني اتكلم في النقطه دي يمكن علشان العصبية بتاعتي اطلعها هنا في الكتابه :)
وعلشان حتي اللي بيدور علي معلومه توصله صح، وعلشان توصل المعلومه صح لازم نعرف ايه اصلا هو التسويق

 التسويق بكل بساطة وبعيد عن التعريفات الاكاديميه هو اسلوب حياه بتستخدمه كل يوم في حياتك علشان تسوق لنفسك، وفي الاساس بيعتمد علي الترويج، ولو جينا نطبق دا علي منتج هنلاقي ان التسويق هو انك بتعمل اي حاجه علشان تروج وتسويق وتوزيع وتكبير اي نشاط تجاري ودا من خلال الدعاية، الانتشار، واي وسيله توصلك في النهاية إلي الزيادة علي طلب المنتج.

ومن هنا لازم نتكلم عن حاجه اسمها اسس التسويق او المزيج التسويقي




المزيج التسويقي دا بيتكون من اربع حاجات بنسمهوم 4P's  فور بيس  وهم 
1- المتنتج  Product 
2- السعر Price 
3- المكان Place
4- الترويج Promotion 

وهنا بقي مربط الفرس الترويج ، والترويج المقصود به جميع وكل انشطة الاتصال اي كان نوعها سواء كان عن طريق التليفزيون او الانترنت او اي حاجه تانيه ، علشان كدا مفيش حاجه اسمها  فرق بين التسويق الالكتروني والتسويق التقليدي، انما التسويق الالكتروني ما هو الا اداه جديده استحدثت في السنين الاخيره علشان المستهلكين بقوا موجودين علي الانترنت اكتر، يعني زمان مثلا مكنش في حاجه اسمها مثلا "التسويق التليفزيوني"، لما كان التليفزيون بيتجمهر قدامه كل الطبقات وكل المستهلكين او "التسويق الاذاعي" ايام الراديو. 

المفترض ان المسمي الصحيح انه يتقال مميزات اداوات التسويق الجديدة

يعني من النهايه كدا مينفعش نفرق بين التسويق الالكتروني والتسويق الكلاسكي لانه في النهاية تسويق والاختلاف في مميزات كل اداه من ادوات التسويق، يعني المفروض اني ملاقيش علي مدونه لمدرب تسويق الكتروني ولا ليه فيديو علي الـ Youtube بيقولي ايه الفرق بين التسويق الالكتروني وايه هي عناصر المزيج التسويقي العادي وعناصر المزيج للتسويق الالكتروني والقيه بيقولي ان عناصر المزيج للتسويق الالكتروني بقوا 9 وحاططلي فيهم تصميم الموقع، طب ماهو يا كابتن تصميم الموقع دا بيندرج تحت "المنتج" لو الموقع دا بيبيع منتج ملموس، وبيندرج تحت "المكان" لو بيبيع خدمه، حسبي الله ونعم الوكيل فيهم؛ همهم الوحيد هو لم الفلوس من الناس مش مهم بقي يتعلموا صح ولا غلط .

ولو اخدنا مثال شركة Pepsi او coca cola  او حتي شركة Te data هنلاقيهم بيعملوا اعلانات وترويج لمنتجاتهم علي التليفزيون وعلي الانترنت هما هنا استخدموا ادوات تسويق وترويج مختلفه ، يارب تكون وضحت المعلومه.
وبعتذر اني عملت الـ Topic د ا بالعاميه ويمكن دي تبقي طريقة كتابتي اللي جايه كلها لسه مش عارف 





شارك الموضوع

مواضيع ذات صلة

2 التعليقات

التعليقات
5 نوفمبر 2014 1:54 م حذف

ورالله انت برنس :D

رد
avatar
7 نوفمبر 2014 8:23 م حذف

تسلم ربنا يخيلك :)

رد
avatar